Aínda máis peaxes? Paremos os axustes contra o pobo

Este tipo de medidas penalizan especialmente un país como o noso, con grande dispersión poboacional e cun transporte público totalmente insuficiente e degradado tras anos de desleixo e falta de planificación.

O goberno de PSOE e Podemos informou á UE de que, como parte do seu plano de reformas para acceder aos fondos europeos, prevé cobrar por circular nas estradas, comezando polas autovías que até hoxe son gratuítas.

Non podemos permitilo!

Esta medida, disfrazada como “transición ecolóxica”, non é máis que un novo axuste dirixido a reducir o deficit pola vía das receitas neoliberais, na liña das políticas tradicionalmente promovidas pola UE.

A pesar de que o goberno -e Unidas Podemos en particular- repetiu até a saciedade que os fondos para a recuperación non traerían aparellados recortes, este anuncio ou outros anteriores como o da prevista contrareforma das pensións non fan máis que confirmar que mentiron.

A necesaria redución do uso do vehículo privado non pode pasar por impor novos e inxustos impostos indirectos que afectarán especialmente aos sectores populares, senón por reforzar un servizo de transporte público realmente accesíbel e de calidade.

Este tipo de medidas penalizan especialmente un país como o noso, con grande dispersión poboacional e cun transporte público totalmente insuficiente e degradado tras anos de desleixo e falta de planificación.

A única forma de parar este e outros ataques que virán é organizarnos e mobilizarnos contra os axustes que, de novo, pretenden que sexamos a clase traballadora quen paguemos a crise.

Loitando, podemos paralos!

Comparte:

Share on facebook
Share on twitter
Share on whatsapp
Share on telegram

As últimas entradas