Movemento Arredista 🚩
112 subscribers
401 photos
29 videos
1 file
172 links
Chamamos a afortalar un espazo político desacomplexadamente independentista, que aposte nidiamente polo socialismo e que sexa consecuentemente feminista, apostando na suma de forzas na esquerda soberanista para avanzar no camiño da ruptura democrática.
Download Telegram
O capitalismo é crise e compren medidas urxentes para combatelo!

📢 Limitación dos prezos xa!

Os prezos da luz, do gas, dos carburantes, dos alimentos ou da vivenda seguen a subir, empobrecéndonos día a día.

O goberno español e a Unión Europea antepoñen a “liberdade” do mercado á vida das persoas, e néganse a regular por lei os prezos porque iso limitaría os lucros dos grandes grupos económicos aos que serven.

Cómpre limitar os prezos, combater a especulación e atacar as marxes de beneficio dos grandes capitalistas para poder frear e reverter este saqueo.

▶️ Todas as propostas na nosa web https://arredista.gal/crise
#OcapitalismoÉcrise
📢 Este xoves, 2 de xuño, ás 11:30 horas, diante do edificio da Xunta en San Caetano, pensionistas e xubilados/as concentraranse en Compostela baixo o lema “Somos maiores, temos dereitos".

Loitemos por un sistema que dignifique a vida fronte ao lucro en todas as súas fases.
O capitalismo é crise e compren medidas urxentes para combatelo!

📢 Intervención pública na economía, os bens básicos non poden ser un negocio.

O capital lúcrase co acceso a bens e servizos básicos para a vida como a alimentación, a enerxía, a vivenda, a auga ou as telecomunicacións, privilexiando o seu negocio frente ao aceso universal da poboación.

Cómpre que as institucións recuperen para o público os sectores privatizados e que asuman a súa responsabilidade á hora de garantir unha vida digna para todas, que non nos deixe á mercé dos intereses do mercado.

▶️ Todas as propostas na nosa web https://arredista.gal/crise

#OcapitalismoÉcrise
GALEUSCA: pola diversidade lingüística e cultural no âmbito educativo. Declaraçom conjunta das escolas populares de Galiza, Euskalherria e Catalunya.

🗓11 junho
🕦11.30
📌Museu do Povo Galego

- Santi Quiroga, Coordenador Nacional da Escola Nacional Galega Semente.
- Koldo Tellitu. Lehendakari de Ikastolen Elkartea
- Eva Bertrana, Diretora Geral de La Bressola

📎 Programaçom:
Museu do Povo Galego
◽️11.30h Apresentaçom declaraçom conjunta
Moas (Moas de Abaixo, 20)
◽️14.00h Jantar valencià (reservas em compostela@semente.gal)
◽️17.00h Espetáculo com Circus Magnificus
◽️18.30h Palestra e mesa redonda
Hoxe miles de persoas voltamos deixar claro de novo en Compostela que non permitiremos que o negocio eléctrico arrase os nosos montes. Autoorganización popular contra o espolio eólico!

#EólicaAsíNon
O capitalismo é crise, compren medidas urxentes para combatelo!

📢 Que a suba de prezos a paguen os ricos: Por únha política fiscal xusta para combater a crise.

Esta crise está a supor novamente unha brutal transferencia de renda das clases populares para o capital.

Cómpre reverter esa tendencia con medidas fiscais que pola vía de novos impostos e a modificación dos mecanismos actuais (que facilitan a evasión de impostos dos que máis teñen) ataquen os obscenos lucros das empresas, garantindo para o público os ingresos necesarios para facer frente a esta situación de emerxencia social.

▶️ Todas as propostas na nosa web https://arredista.gal/crise

#OcapitalismoÉcrise
💢 O capitalismo é crise

💸 Os prezos soben
A acelerada suba de prezos nos últimos tempos -visíbel en todos os ámbitos- debuxa unha situación de cada vez máis dificultade e empobrecemento para as clases populares.

💰 Os ricos lúcranse
Mentres tanto, os grandes capitalistas seguen a ver como aumentan os seus lucros sen límite, aproveitándose novamente dunha crise que axudaron a provocar.

🛠 O pobo empobrécese
Cómpren medidas urxentes, audaces e valentes: control e limitación de prezos, maior intervención pública, enfrentamento dos grupos económicos, aumento salarial…

🚩 A alternativa que temos por diante non é sinxela máis é a única posíbel: cómpre organizarse en todos os ámbitos, tecer redes de contrapoder e erguer espazos de construción dun mundo diferente ao tempo que cuestionamos o vello: combatemos este réxime e este sistema e situamos o socialismo no horizonte, porque só así poderemos aspirar a unha vida digna.

▶️ Todas as propostas na web https://arredista.gal/crise/
#OcapitalismoÉcrise
O capitalismo é crise e cómpren medidas urxentes para combatelo!

📢 Aumento real dos salarios, pensións e prestacións sociais, a suba dos prezos empobrécenos cada día!

Nun momento como este é máis urxente que nunca reverter as reformas laborais e de pensións das últimas décadas, que disminuiron progresivamente as rendas do traballo frente ás do capital.

💵 Tamén é urxente vincular todos os salarios, pensións e prestacións a, como mínimo, o aumento dos prezos para garantir que non nos empobrezamos ainda máis.

▶️ Todas as propostas na web https://arredista.gal/crise/

#OcapitalismoÉcrise
📢 O domingo 19 de xuño ás 12h a Asociación Pola Defensa da Ría convoca unha Marcha contra Celulosas, con saída das alamedas de Marín e Pontevedra.

Froito da mobilización social a saída de ENCE da ría está cada vez máis perto, agora toca loitar para que a ría e a comarca enteira sexa quen de recuperar o seu medio de vida, a saúde e a calidade de vida.

#PorqueéDeXustiza
#EnceFóraDaRía
O capitalismo é crise e compren medidas urxentes para combatelo.

📢 Redución dos gastos militares, chega de alimentar a guerra mentres o pobo se empobrece!

Os mesmos que negan recursos para paliar a crise que estamos a sofrer seguen a gastar miles de millóns en armamento e a incrementar máis que nunca o gasto militar.

Ao mesmo tempo, comprobamos que medidas que sempre se nos venden como imposíbeis, como as expropiacións de bens, activos e empresas, pasan a ser facilmente factíbeis cando se trata de intervir nos conflitos imperialistas.

Nunha situación como esta é ainda máis inadmisíbel seguir a alimentar a maquinaria bélica do imperialismo en lugar de apostar pola paz e a saída negociada dos conflitos, redirixindo os gastos militares para necesidades sociais.

Todas as propostas na nosa web ▶️ https://arredista.gal/crise/
Este domingo 19 #ContraCimeira galega da PLataforma Galega Contra a OTAN en Compostela. Unha xornada sobre a #OTAN e o seu papel como ferramenta do imperialismo.

📣 Contra o imperialismo, pola paz e a soberanía dos pobos!

https://galizacontraaotan.gal/
O capitalismo é crise e compren medidas estratéxicas para rachar coas imposicións do sistema.

📢 Queremos decidir nós sobre a nosa economía e recursos, precisamos soberanía para enfrontar a crise

Galiza non conta con ferramentas reais para deseñar unha política económica ao servizo da maioría social. Madrid e Bruxelas dictan os límites do que é posíbel, sempre dentro das estreitas marxes da orde neoliberal deseñada pola oligarquía.

Se non conquistamos um marco político plenamente soberano, calquer lexislación avanzada aprobada no ámbito galego será tumbada polos tribunais españois ou vetada polas institucións alleas que hoxe deciden por nós.

▶️ Máis propostas na web https://arredista.gal/crise/

#OcapitalismoÉcrise
O capitalismo é crise e compren propostas estratéxicas para combatelo.

📢 Desobedecer os ditados neoliberais, as institucións europeas están ao servizo do grande capital.

💢 Como se comprobou hai uns anos en Grecia, calquer intento de mudanza das principais liñas económicas no marco da UE e o Euro estará sometido ás presións e chantaxes dunhas institucións continentais surxidas ao servizo do gran capital.

⛔️ Calquer mudanza do rumo económico que saia da ortodoxia neoliberal debe contemplar un plan definido para confrontar e desobedecer as imposicións da UE, que aproveita o control da política monetaria para impor as súas políticas contra o pobo.

Máis propostas ▶️ https://arredista.gal/crise/

#ocapitalismoécrise
#ocapitalismoécrise e compren propostas estratéxicas para combatelo

📢 Cuestionemos o pagamento da débeda ilexítima: para facer políticas sociais, precisamos saír do ciclo dunha débeda impagábel!

💰 A débeda pública foi xerada na súa maior parte en función dos intereses das grandes empresas e non dos pobos, e é hoxe un dos principais condicionantes que impiden facer políticas en favor da maioría.

É utilizada para impor políticas de contención de gasto, privilexiando o seu pagamento frente á satisfación das necesidades sociais, como se constatou coa última reforma constitucional.

É urxente cuestionar a súa lexitimidade e sair do círculo vicioso que nos impón o pagamento desta débeda inxusta.

▶️ Máis propostas na web https://arredista.gal/crise/
📢 Columna galega na mobilización que terá lugar este domingo 26 de xuño en Madrid contra o Cumio da OTAN e que reunirá a colectivos e persoas de toda europa.

Anótate 👉 https://galizacontraaotan.gal/columna-a-madrid/
📢 Ruptura democrática e proceso constituínte.

O réxime español do 78 está construido á medida da oligarquía que nos explota. Sen superalo, non é posíbel construírmos unha sociedade diferente

⛓️ Cando falamos do necesario reparto da riqueza, da democratización da economía ou dunha mudanza radical de políticas en favor do ben común, somos conscientes de que nada diso é concretizábel sen racharmos de vez co actual réxime político surxido da “transición”.

🚩 Iso pasa por seguir a acumular forzas contra os cadeados que nos impoñen, por unha ruptura democrática co Estado Español e a Unión Europea, cos réximes e institucións que que foron creados para perpetuar o actual modelo de espolio dos pobos e que non son reformábeis.

Só así poderemos abrir camiño a un Proceso Constituínte no que crear institucións realmente democráticas ao servizo da maioría social.

https://arredista.gal/crise/

#ocapitalismoécrise
Xa estamos en Madrid manifestándonos coa columna galega contra a cimeira da OTAN e contra a maquinaria de guerra.

Pola paz e contra o imperialismo!